Пазнаёмцеся з нашай клінікай

Клініка выкарыстоўвае абсталяванне вытворцаў Straumann, Melag, Ivoclar Vivadent, KAVO, Morita, Carl ZEISS, Planmeca, Stern Weber, Amann Girrbach, W&H, Gamma dental, Durr Dental, Hu-Friedy, Style Italiano, Pentax, Nikon. Мы працуем з мікраскопам Karl Kaps.

У клініцы сабрана калекцыя стаматалагічных і хірургічных інструментаў, якімі працуюць вядомыя хірургі: Otto Zuhr, Marc Hurzeler, Giovanni Zuccelli, Mauro Merli, Marius Steigmann, Istvan Urban, Domenico Massironi. І так, у кожнага з іх мы вучыліся хірургічнаму майстэрству.

•Наш персанал. Кваліфікаваныя лекары і медсёстры, адміністратары — усе, хто забяспечвае бесперапынную работу клінікі. Мы пастаянна вучымся і імкнемся развівацца.

•Поўны цыкл лячэння. Сучаснае абсталяванне і матэрыялы.

•Усе лекары клінікі працуюць з павелічэннем (лупы, мікраскоп).

•Лячэнне нашых пацыентаў грунтуецца толькі на прынцыпах доказнай медыцыны (EBM). Мы лечым, а не прадаём.

•Адсутнасць уласнай зубатэхнічнай лабараторыі. Работа зубнога тэхніка — гэта мастацтва, і кожны вопытны тэхнік моцны ў пэўнай галіне. Навошта залежаць ад абмежаваных магчымасцей і звужаць прастору для творчасці? Сёння, у эпоху лічбавай стаматалогіі, мы пастаянна выкарыстоўваем для камунікацыі відэа 4K, поўнакадравую фатаграфію, высокадакладнае сканаванне (гэтак жа мы працавалі б і з тэхнікам за сцяной), цесна кантактуем анлайн і супрацоўнічаем з вопытнымі зубнымі тэхнікамі ў Літве, Латвіі і Францыі.

•Празрыстая цэнавая палітыка.

•У клініцы ніколі і ні пры якіх абставінах не працуюць «спецыялісты» без сертыфікатаў ці афіцыйнага працаўладкавання.

•Мы не выходзім за межы сваіх кампетэнцый; пры неабходнасці патрэбныя маніпуляцыі праводзяць у бальніцы з нашым удзелам.

•Кожнаму пацыенту мы надаём столькі часу, колькі патрабуюць пастаўленыя задачы.

•Мы адказваем на вашы званкі ў любы час сутак.

•Для нас вельмі важна, каб лячэнне, якое мы праводзім, было прадказальным. Кампраміснага лячэння, якое супярэчыць сучасным прынцыпам, мы не праводзім.

•Мы працуем з сучаснымі тэхналогіямі, але не ганяемся сляпа за модай дзеля прыбытку. Ужываем толькі правераныя часам метады лячэння.

•Мы практычна адмовіліся ад бюджэтных сістэм імплантатаў. Які сэнс эканоміць на «падмурку»? Бо пацыент прыходзіць да нас не па імплантат — яму патрэбны зуб, які будзе служыць шмат гадоў, дзесяцігоддзямі. Сусветны вопыт і доказная медыцынская база сведчаць, што да сістэм дэнтальнай імплантацыі з нізкім працэнтам адтарэння належаць STRAUMANN і Megagen. Мы можам вырабіць артапедычную канструкцыю на любым імплантаце, усталяваным раней у іншай клініцы, але з абмежаванай гарантыяй. Калі пацыент выконвае ўмовы дагавора, на ўсталяваны намі імплантат мы даём пажыццёвую гарантыю.

•Мы складаем аптымальны план лячэння на аснове кансультатыўнага заключэння трох спецыялістаў (эндадантыста, хірурга, артапеда). План лячэння, прапанаваны іншымі клінікамі, інтэрнэтам, тэлебачаннем, суседам ці самім пацыентам, мы не бярэм пад увагу.

•Кансультацыі ў нашай клініцы платныя.

Мы надаём вялікае значэнне бяспецы нашых пацыентаў і персаналу.

Увесь працэс прыбірання клінікі фіксуе адказная асоба з падвойным кантролем у адпаведнасці з еўрапейскім стандартам ISO на аснове кантрольнага спіса: AH-Control, ANTIAIDS & Antihepatitis. Каб прадухіліць перакрыжаваныя інфекцыі, заражэнне вірусамі гепатыту, герпесу і ВІЧ, мы праводзім поўны цыкл апрацоўкі інструментаў. У кожную ўпакоўку ЎСІХ інструментаў, якія стэрылізуюцца ў аўтаклаве ў нямецкім апараце MELAG Euroclav, укладваем спецыяльную наклейку: змена яе колеру пасля цыкла стэрылізацыі пацвярджае, што працэдура праведзена правільна. Перад кожнай хірургічнай аперацыяй мы аўтаклавуем наканечнікі асобна для кожнага пацыента. Усе інструменты распакоўваем непасрэдна перад маніпуляцыяй.

Усё паветра, што паступае ў клініку звонку, фільтруецца, падаграваецца або ахалоджваецца трыма асобнымі вентыляцыйнымі ўстаноўкамі System Air, Mitsubishi Electric, Sharp.

Шэсць кандыцыянераў Mitsubishi пастаянна кантралююць тэмпературу ва ўсіх памяшканнях клінікі.

У клініцы ўсталявана спецыяльнае атэрмальнае шкло з ахоўным пакрыццём, якое забяспечвае прыватнасць падчас лячэння.

Паветра ў кожным кабінеце абеззаражваецца закрытым жорсткім ультрафіялетавым выпраменьваннем (прылада можа працаваць непасрэдна ў прысутнасці персаналу і пацыента).

Нашы стаматалагічныя ўстаноўкі Stern Weber абсталяваны складанай сістэмай мокрага адсмоктвання DURR. Яна размешчана ў гукаізаляваным памяшканні ў шумапаглынальным корпусе і складаецца з асобна ўсталяванага кампрэсара і трох аўтаномных адсмоктвальных сістэм. Усё адсмоктанае паветра і прадукты распаду трапляюць у асобную вентыляцыйную шахту і каналізацыю, мінаючы памяшканні клінікі. Дзякуючы гэтаму ў кабінетах ціха, няма старонніх пахаў, а патагенная мікрафлора не цыркулюе па клініцы.

Уся вада, якую выкарыстоўваюць у клініцы, праходзіць праз аўтаномную сістэму ачысткі і водападрыхтоўкі. Дыстыляваную ваду мы не купляем, а гатуем самі.

Перад прыёмам кожнага пацыента мы прыбіраем кабінет французскім сродкам SURFASAFE і сродкамі Kimberly Clark, бяспечнымі для дыхальнай сістэмы.